Batys Qazaqstan oblysynyń mamandandyrylǵan aýdanaralyq ekonomıkalyq soty oblystyń Kásipkerler palatasymen birlesip «Sottar jumysynyń zamanýı formattaryn engizý, artyq sot rásimderi men shyǵyndaryn azaıtý máseleleri boıynsha Qazaqstan Respýblıkasynyń keıbir zańnamalyq aktilerine ózgerister men tolyqtyrýlar engizý týraly» QR Zańy jobasynyń Tujyrymdamasy» taqyrybynda dóńgelik ústel ótkizildi, dep habarlaıdy Batys Qazaqstan oblystyq sotynyń baspasóz qyzmeti.
Jıynǵa qatysý úshin bıznes-qaýymdastyq ókilderi, advokattar men medıatorlar shaqyryldy.
Shara Joǵarǵy Sot pen «Atameken» Ulttyq kásipkerler palatasynyń arasynda jasalǵan Jol kartasyn júzege asyrý maqsatynda ozdyryldy.
«Dóńgelek ústel» qatysýshylary joǵaryda atalǵan Zań jobasynyń Tujyrymdamasy talqylady. BQO Kásipkerler palatasynyń Kásipkerler quqyǵyn qorǵaý jáne jemqorlyqqa qarsy is-qımyl bóliminiń basshysy Maǵrıpa Nıgısheva jáne ekonomıkalyq sottyń sýdıasy Naılıa Seıdahmetova baıandama jasap, sot isterin qaraý barysynda kásipkerlik sýbektileriniń quqyqtaryq qorǵaýdyń uıymdastyrýshylyq-quqyqtyq máselelerine toqtaldy. Daýdy sotqa deıingi retteý boıynsha mindetti rásimderdi bekitý týraly zańnamalyq aktilerge ózgerister engizý arqyly sottardyń júktemesin azaıtýdyń pármendi tetikterin qabyldaýǵa nazar aýdaryldy.
Sýdıa bıznesti sot arqyly qorǵaý máseleleri boıynsha sottardyń «Atameken» kásipkerler palatasymen ózara úılesimdi áreket etý mańyzdylyǵyn sóz etti. «Kásipkerlerdiń quqyqtaryn qorǵaý salasyndaǵy zań ústemdiligi, ádildik jáne ashyqtyq qaǵıdattaryna negizizdelgen júıelik yntymaqtastyq tek bizdiń oblysta ǵana emes, jalpy respýblıka boıynsha kásipkerliktiń odan ári qarqyndy damýyna óz septigin tıgizedi»,- dep atap ótti N.Seıdahmetova.
Sonymen qatar, shara barysynda medıatorlar Assosııasy men oblystyń Kásipkerler palatasy arasynda jasalǵan Memorandýmnyń nátıjeleri týraly aıtylyp, sotqa talap aryz bermesten daýdy retteý úshin Palataǵa júgingen JK men zańdy tulǵalar arasynda jasalǵan medıatıvtik kelisimderdiń mysaldary keltirildi. Kásipkerler daýdy sotqa deıin retteý ýaqyt pen qarjyny únemdeýge, bastysy dostyq seriktestikti saqtap qalýǵa múmkindik bergenin aıtyp ótti.
«Dóńgelek ústeldi» qorytyndylaı kele, qatysýshylar kásipkerlik sýbektileri arasyndaǵy daýlardy retteýdiń balamaly jáne sotqa deıingi nysandaryn qoldaný boıynsha usynymdar engizdi.